Berriak
English week, ekainaren 22tik 26ra

Ekainaren azken asterako ingeleseko murgiltze-astea eskaini nahi dizuegu: ENGLISH WEEK, ekainaren 22tik 26ra.

Data horietan estatubatuar talde bat gurekin izateko aukera dugu eta horregatik ingeleseko udaleku txiki hauek antolatzea pentsatu dugu. Bertan egingo diren ekintza guztiak, jolasak, tailerrak, eskulanak, irteeraren bat, kirola, … ingelesez egingo dira.

Gurekin egongo den estatubatuarrak asko izango direnez, adinen araberako taldeak egin ahal izango ditugu. Eskolakoak ez diren umeek ere parte har dezakete.


Hainbat ekitaldi familien astean, maiatzaren 19tik 24ra

Familia Pastoraltzak ekimen ugari antolatu ditu maiatzaren 19tik 24ra bitartean, Familien Astea ospatzeko. Hirukide elkarteko kideen eskutik hitzaldiak izango dira besteak beste eta maiatzaren 24an, larunbatean, elizbarrutiko familien festa ospatuko da, Donostiako Seminarioan.


Ricardo Alberdi sozial astea

Ekainaren 1, 2 eta 3an egingo da Donostian aurtengo Ricardo Alberdi astea. Honakoan, hitzaldien ardatza, Komunikazioaren erronkak, arriskuak eta ebanjelizaziorako erabilgarritasuna. Hitzaldi guztiak Andia kaleko Kutxa aretoan eskainiko dira, 19:30tan.